Grána 27

I taste like Bread. I am a staple in almost everyone's diet. Friends like me are a complement to any other friends I get on with almost everyone, remaining mostly in the background, but providing substance when it would otherwise be lacking. What Flavour Are You?

Auður birti @ 02:07

You are a goddess!


Which Ultimate Beautiful Woman are You?
brought to you by Quizilla

Auður birti @ 01:21

Sumardagurinn fyrsti í dag, það er svona svipuð hátíð hjá bændum eins og sjómannadagurinn hjá sjómönnum. Ég sat í gömlum Massey Ferguson sem er sama árgerð og ég og slóðadrög öll túnin heima, tók nokkra tíma, í dag. Þannig að ég var í orðsins fyllstu merkingu út á túni í allan dag, það var bara fjár hressandi. Nenni ekki að blogga mikið í dag, eins og alþjóð veit þá eru fimmtudagskvöld skjár einn kvöld, vildi bara óska öllum gleðilegs sumars, sérstaklega bestu tengdamömmu í heiminum. Þú ert yndisleg Ásta Sigga.

Auður birti @ 20:53

Ok ég hef nú séð margt skrýtið um ævina, þar á meðal mann í lest með hvíta rottu á öxlinni, en núna er kona hérna með síamskött í bandi á öxlinni. Það hef ég nú aldrei áður séð, ágætis hugmynd samt, ekki að mínar kisur myndi nokkurn tíman láta bjóða sér þetta. Talandi um þær elskur, þá virðast ráðstafanir síðustu viku eitthvað hafa haft áhrif. Safír var búinn að ver askelfilegur með að míga út um alt, en svo tókum við Jasmín úr sambandi og hann hefur ekkert mígið síðan. Hann veit að hann er á skilorði til 16. maí eftir það verður gripið til mun róttækari aðgerða.

Auður birti @ 16:19

Annars er ég stútfull af hugmyndum sem mér finnst ég ekki geta framkvæmt þessa dagana, langar að taka garðinn í gegn hjá mér en veit ekki hvar ég á að byrja og hrís bara hugur við þessu öllu þarna. Veit ég ætti að byrja á einu horninu og vinna mig í rólegheitunum út frá því, en ég bara treysti mér ekki til þess. Er skíthrædd um að gefast upp í miðju kafi eða þetta verði ömurlegt eða bara eitthvað. Svo langar mi líka að fara að prófa að sauma, hef mjög lítið gert af því en held að ég gæti verið pínu góð í því, vantar bara saumavél, því nóg er af hugmyndunum og gömlul lörfumsem maður er löngu vaxinn út úr ( ekki upp úr sko). Svo langar mig líka að gera eitthvað töff í stofunni hjá mér, á trjábörk sem ég ætlaði alltaf að setja upp eins og lista, svo langar mig að fá mér greinar og nota þær fyrir gardínuslá, held að það gæti verið flott. Svo er ég með borð sem mig langar að setja mósaík á og svo langar mig líka að fara að gera vasa úr þangi.
Vantar bara smá skammt af sjálfstrausti og orku, ætli það sé hægt að fá svoleiðis í töflu eða úðaformi, eða kannski bara sem baðsalt, það væri geggjað.

Auður birti @ 16:16

Ég held ég verði að taka næsta skref við að hjálpa sjálfri mér, það felst í því að reyna að fá mér tíma hjá sálfræðingi. Ég hef alltaf annars langið ætla að gera það en aldrei látið verða af því. Þekki svo sem þetta þunglyndi, hef fengið það í heisókn til mín áður en núna nenni ég ekki að bíða eftir að það líði hjá, langar að reyna að losna við það af því ég vil en ekki af því það nennir ekki að vera lengur.
Ég er líka alltaf að komast betur að því hversu geðbilaða fullkomnunaráráttu ég er með, þó maður viðurkenni hana þá fer hún nú víst ekki. En það er víst fyrsta skrefið, til dæmis langar mig mjög mikið að tjá mig við vini mína um hvernig mér líður, en það þýðir að ég fer mjög líklega að grenja og það finnst mér ómögulegt. Æi einhvern veginn er maður aldrei ánægður, en ég ætla að gera heiðarlega tilraun í kvöld til að opna mig og fá ekki panik attack yfir því þó ég skæli, held að það sé virkilega ekki það versta sem getur gerst.
Er samt smámn saman að átta mig á því að líklega er ekki til nein töfralausn við líðan minni, þannig að þó ég verði einhvern tíman ólétt þá er meira að segja frekar ólíklegt að það lagi mig. Held ég verði að laga mig fyrst og þá eru meiri líkur á að ég geti orðið ólétt.

Auður birti @ 15:48

Held að ég sé að fá síðbúið skammdegisþunglyndi, líður allavega eins og ég gæti dottið niður dauð á hverri stundu núna. Treysti mér ekki til að gera neitt, eða klára neitt. Langar bara að henda öllu frá mér og hlaupa eins hratt og ég mögulega get sem lengst í burtu. Líður eins og það sé ætlast til þess að ég rífi augað úr mér en ekki að ég lesi fyrir próf og taki þau. Var að klára síðasta verkefnið í vetur og skil ekkert í því hvernig ég lifði það eiginlega af. En svona getur maður komið sjálfum sér á óvart.

Auður birti @ 23:02

-Motherly- You're the motherly type. You love to
take care of the one you love, and generally
you can be a bit overprotective and possessive,
but you know, that isn't always such a bad
thing. At least you'll be a good mom in the
future.


What Kind of Girlfriend Are You?
brought to you by Quizilla

Auður birti @ 01:37

Dreymdi hrikalega skrítinn draum í nótt, yfirleitt þá dreymir mig bara einhverja stepou sem meikar ekkert sens, en þessi var alveg heilsteyptur. Mig dreymdi að ég horfði á strák detta ofan í læk/á og berast með honum og ég hljóp af stað til að reyna að ná honum upp. Ég hljóp og hljóp og leitaði í læknum og var að reyna að ná honum, fannst eins og ég hefði getað afstýrt þessu ef ég hefði brugðist fyrr við, var búin að fara alveg niður með læknum og sá hann hvergi. Hélt ég hefði misst af honum og hann væri dáinn og líkið fyndist ekki, kíkti samt aðeins í lækinn á leiðinni til baka og þá sá ég hann fastann í læknum, en hann var dáinn, ég reyndi að lífga hann við en ekkert gekk. Hélt á honum en hann var ískaldur og stífur, vaknaði með ægilega ónotatilfinningu, veit samt ekki hvað þetta þýðir eiginlega, þyrfti eiginlega að komast í draumráðningabók.

Auður birti @ 16:27

Annars var hún Bjarkey mín að blogga um áfengi, það er nú meiri drykkurinn. Ég til dæmis hafði oft smakkað ýmsa áfenga drykki sem krakki og unglingur og vissi alveg hvernig þeir voru á bragðið en fann í fyrsta skipti á mér þegar ég var 18 ára í útskriftarferð í Mexíkó. Svo drakk ég nú sjaldan og lítið í nokkur ár eftir það, mikið til vegna þess að ég verð geðsjúklega þunn, en finnst samt gaman að fá mér í gals og verð svona aðeins léttari í lund og svona. En í hitteð fyrra þegar ég flutti til Þýskalands, þann tíma drakk ég mjög oft, ekkert þannig að það yrði neitt vandamál en samt bara svo gaman og fullt af skemmtilegu fólki og bjórinn ódýr og svona. Flestir veikindadagarnir sem ég tók meðan ég vann úti voru vegna þess að ég var svo hrikalega þunn, já já það skipti engu máli hvaða vikudagur var, þó helgarnar hafi nú oftast orðið fyrir valinu.
En eftir að ég kom heim í ágúst hef ég varla drukkið dropa og bara einu sinni fundið á mér og það var eftir að ég drakk rúma hálfa flösku á 3 tímum með mat. Ekki að þetta sé neitt vandamál, það bara einhvern veginn er allt önnur stemming hérna heldur en úti og svo er þetta dýrt og fitandi og ég verð ógeðslega timbruð. Langar samt alltaf annars lagið að slá öllu bara upp í kæruleysi og detta í það, oftast kemur það fyrir í hádeginu á þriðjudögum, þegar álagið er of mikið og ég á eftir að gera hundrað milljón hluti. Held að þar komi alkóhólista tendansarnir mínir í ljós.

Auður birti @ 22:45

Ég fékk sko eiginlega tvo málshætti í dag, fyrri var fiskur tekur beitu en öngull fisk. Þurfti aðeins að pæla í honum en finnst en ekkert sérlega skemmtilegur, þannig að ég fékk að opna annað páskaegg og þar stóð að ég þyrfti helst á þolinmæði að halda þegar hún væri að verða búin. Átti betur við mig sko, get stundum orðið ansi óþolinmóð yfir ýmsum hlutum.
Annars eru þetta búinn að vera mjög ljúfur dagur, kláraði bókina sem ég var að lesa, horfði á eina vídeómynd og eldaði svo voða fínan mat, fyllta gæs, með grilluðum kartöflum, sveppum og lauk, og svo náttúrulega ljúfeng sósa. Það er alltaf keppikeflið að gera sem besta sósu, hefur einhvern veginn bara þróast svoleiðis. Það er alltaf smá keppni á milli okkar pabba um hver geri betri sósu, ég náttúrulega er orðin miklu betri í því en gamli maðurinn, hann á bara erfitt með að sætta sig við það :)

Auður birti @ 22:32

Ég er sjúk í Sunnu Katrínu, fékk að hafa hana í nótt og hún lét mig nú aðeins hafa fyrir sér, bara hæfilega mikið. Æi þetta var svo krúttlegt og hún er svo mikil krúsíbolla. Annars er þetta búinn að vera rosa fínn dagur, gerði eiginlega ekki neitt nema hitta nokkra aðra MA inga og plana reunion í sumar og var svo bara að chilla með skrúný.
Hlakka til að vakna í fyrramálið og borða páskaeggið mitt, gleðilega páska allir saman.

Auður birti @ 20:25

Jæja þá hef ég fengið nýtt hlutverk, já já mín bara orðin guðmóðir og allt, rosalega gaman. Voða krúttleg skírn og fín veisla, mjög fáir en bara næs. Ég er bara svo mikil frekjudós að ég vil sjá meira af litlu rúsínunni, fékk reyndar að halda slatta á henni í dag. Svo eru þau bara að fara strax suður á mánudag :( en þau koma fljótt aftur :)
Annars var nú ekki eðlileg blíðan í dag, bara bongó hérna á Akureyrinni, bara sama og venjulega sko.

Auður birti @ 23:44

Oh ég er svo heppin, fékk sumar- og afmælisgjöf í dag, frekar í fyrra fallinu en bara gaman að því. Núna er ég alveg sjúk í að fara að grilla, búin að gera tilbúinn matseðil fyrir kvöldið og allt. ég er nefnilega alveg í essinu mínu þegar ég er að versla og elda og baka og svona, það er mitt jóga. Þetta með að versla er pínu erfitt þar sem maður þarf víst alltaf að borga fyrir vöruna og það að eignast og eiga peninga er ekki eins mikið hobby of mine.
Held að ef ég mætti og gæti valið að gera hvað sem er og fengi nógu mikið borgað fyrir það til að lifa af þá myndi mig langa að vera með minn eiginn matreiðsluþátt. Bara elda endalaust eitthvað gott og kenna fólki eitthvað aðeins, til dæmis myndi ég á haustin taka slátur og gera sultu og setja í súr og bara svona gamla góða, en svo myndi ég líka gera austulrenska og ítalska og bara hvað sem er. Það sem ég er að reyna að segja er að mig langar að verða íslensk Nigella, þannig að ef þið fréttið af einhverju svona starfi þá endilega látiði mig vita.
Annað sem ég gæti hugsað mér að gera er að sjá um eitthvert heimili, með mat og þá meina ég nú frekar forsetabústaðinn en sambýli. Væri geggjað að geta keypt inn og eldað allt sem manni dytti í hug án þess að þurfa að borga það sjálfur og fá meira að segja borgað fyrir að gera það. Skrýtið að mig hafi samt aldrei langað að læra kokkinn, kíkti reyndar á það um daginn og ég hef lítinn áhuga á að læra að sjóða kartöflur og eitthvað. Aldrei að vita hvað maður gerir samt á endanum ef einhvern vantar ráðskonu þá er ég til.

Auður birti @ 15:21

MMMmmmmm það er svo geggjað gott veður, þetta verða örugglega æðislegir páskar, Helga og Hreinsi eru á leiðinni norður og ég fæ æðislega sumargjöf á morgun. Í tilefni að því ætla ég að bjóða fólki í mat einhvern tíman um páskana og hafa það bara geggjað næs. Ekkert að læra fyrir próf fyrr en eftir páska, fara í nokkrar heimsóknir og bara dúlla mér þessa fimm daga. Þarf að vera dugleg í kvöld að gera síðasta verkefnið í vetur og þá get ég bara setið með tærnar upp í loftið í næstum því viku.

Auður birti @ 18:23

Blake Thorpe: Thu ert illgjorn kona sem svifst
einskis til ad koma ser a framfaeri, baedi i
atvinnu og astum! Pabbi thinn er rikur og
voldugur og thu notar sambond hans oft til ad
koma ther a framfaeri. Nuverandi elskhugi thinn
er fyrrverandi elskhugi modur thinnar og
erkiovinur pabba thins! En thad stodvar thig
ekkert!


Hvada Leidarljos karakter ertu?
brought to you by Quizilla

Auður birti @ 16:52

Já þetta er nú búin að vera meiri djamm helgin, það er ýmist í ökkla eða eyra, annað hvort fer maður að sofa klukkan 10 margar helgar í röð eða maður drösslast heim um fjögurleitið dag eftir dag. Fórum á Fiðlarann í gær, hrikalega skemmtilegt, svo aðeins á rúntinn og kaffihús og svona. Dansaði svo á Pollinum á föstudagskvöldið, eftir að hafa borðað og spilað í Drekagilinu hjá Margréti. Bróðir hennar var einmitt að eignast stelpu í nótt, eftir nokkura bið, til hamingju með það krakkar.

Annars er lundin bara nokkuð létt, hrikalega fínt veður úti, búin að fara í sund og fá smá lit og allt. Svo er ég bara við það að stofna gróðurhús hérna í Gránu gömlu. Búin að sá fimm tegundum í dag og get ekki beðið eftir að sjá eitthvað koma upp, á eftir að stara ofan í pottana.

Auður birti @ 17:15

Æi það er eitthvað svo notaleg tilfinning inn í mér núna, ekki eins og ég hafi fundið stóra sannleikan sko. Frekar svona þetta er nú helvíti fínt eins og það er. Til dæmis er ég á fullu að pæla hvernig sumarið á að vera, svo get ég gjörsamlega ekki beðið eftir að hitta Sunnu og Helgu. Æi bara allt eitthvað svo hrikalega fínt allt saman. Bara eigið öll gott föstudagskvöld og nótt og laugardag og bara alla daga. Knús og kossar.

Auður birti @ 17:01

OK smá mont í gangi, held að géið sé þokkalega að rústa því að skrá sig á ma98.net, það er bara einn sem ég á eftir að ná á til að setja emailið sitt á póstlistann og við erum með langflesta sem hafa skráð persónulegar upplýsingar um sig, hrikalega gaman að þessu. Svo er bara að plana þessa helgi og þetta game, verður ekkert smá gaman. Annars er ég bara í mjög góðu skapi í dag líka, þannig að fallegu fyrirheitin hafa eitthvað enst.

Auður birti @ 16:14

í sambandi við hreinskilni mína hérna Bjarkey, þá er ég líka stundum frekar skelkuð en ég er bara að tala um sjálfa mig og særi því engan á meðan, held ég allavega. Svo er þetta rosalega gott fyrsta skref í að verða hreinskilnari um sínar eigin tilfinningar, ekki bara við aðra heldur sjálfan sig líka.

Auður birti @ 11:06

Jæja er ekki að verða tímabært að fara að fyllast vorlegri bjartsýni? Allavega þá er ég búin að taka til í nærfataskúffunni minni og það er nú yfirleitt ávísun á betri tíð. Ég talaði lengi við mjög góða vinkonu mína í gær (I love you) og eins og stundum þegar við spjöllum saman þá komumst við að sannleika lífsins. Hann er að vera hamingjusamur, eða réttara sagt að leyfa sér að vera hamingjusamur. Það er enginn sem segir að þetta verði nokkurn tíman betra en það er akkúrat í dag og það er meira að segja mjög ólíklegt að við vöknum einn daginn og finnst okkur við hafa fundið stóra sannleikann, svarið við því hvers vegna við erum fædd. Sumir eru svo heppnir að hafa fengið að vita það snemma (Villi bróðir Bjarkeyjar til dæmis) en við hin notum lífið til þess að komast að því. Ég held að það sé svarið, að lífið er til að komast að því hvaða vandamál við eigum að læra að leysa en ekki að leysa þau.
Allavega ætla ég að leggja mig fram um að vera bjartsýnari og að taka minni skref, núna í sumar ætla ég til dæmis að einbeita mér að því að gera Gránu meira aðlaðandi, setja eitthvað fínt í garðinn og svona skemmtilegt eitthvað. Svo er náttúrulega annað sem maður má ekki gleyma og það er fólkið í kringum mann, maður getur svo auðveldlega haft góð áhrif á aðra en allt of oft hefur maður slæm. Þá meina ég að maður á að hrósa fólki fyrir góðu hlutina sem það er að gera og kosti þess en ekki að gleyma sér í neikvæðu hliðum þeirra. Ég veit að þar má ég bæta mig, áramótaheitið mitt var að hrósa einhverjum einum á dag en ég hef nú ekki alveg haldið það hingað til, ætla að reyna að bæta úr því.
Það er náttúrulega enginn sem er alltaf jákvæður og sér gott í öllu, eða mjög fáir allavega. Man reyndar eftir einni vinkonu mömmu sem er jákvæðasta manneskja sem ég þekki og svoleiðis fólk á maður að taka sér til fyrirmyndar.

Auður birti @ 11:04

Ég er svo geðveikt friðlaus eitthvað, langar að verða ólétt þó það sé ekki sérlega gáfulegt ef ég ælta í nýjan skóla í haust. Og það lítur líka út fyrir það að ég geti ekki látið náttúruna sjá um þetta heldur komi til með að þurfa hjálp læknavísindanna (ekki tæknifrjóvgun sko), þannig að ég þarf að taka mjög meðvitaða ákvörðun um þetta og það er geggjað scary.
Einhvern veginn er maður aldrei ánægður, ég er ekki búin að hugsa um annað í vetur en að vonandi fari þessum helvítis skóla að ljúka og núna þegar ég á eftir að mæta í einn tíma (sem ég veit að verður ÖMURLEGUR) er ég full trega. Mér finnst svo leiðinlegt að missa af þessum stelpum sem ég er búin að kynnast í skólanum. á ekki eftir að missa samband við þær allar, allavega ekki alveg, en samt. Reyndar erum við að fara fjórar saman geggjað fínt út að borða á föstudaginn, bara Fiðlarinn og alles og það besta er að eiga gjafabréf þangað. En fíni Bachelor klúbburinn okkar lifði ekki Bachelorette af þannig að við höfum hist lítið og stopult upp á síðkastið.
En se la ví, maður kemst lílega yfir þessa sorg eins og aðrar.

Auður birti @ 14:50

Ég var nú eiginlega búin að lofa sjálfri mér að blogga ekki í vinnunni og hef staðið við það í rúma þrjá mánuði, en nú get ég ekki meira. Það er skelfilega lítið að gera og ég nenni ekki að skoða neitt á netinu og langar bara að blogga.
Það er helst í fréttum að verðgildi mitt hefur verið fundið, já ég fékk það staðfest hversu mikils virði ég er Óskari. Til að útskýra þetta aðeins nánar þá er Óskar til í að skipta á mér og bíl vinar síns, gæti reyndar hugsað mér verra mannsefni en þennan vin hans en held samt að þetta sé kallað mannsal.

Auður birti @ 14:17

Við Dagný vorum að rifja það upp að í gær var ár liðið síðan Lilja Kristín dó.

Auður birti @ 23:41

fyndið hvernig hagkerfið virkar, þegar maður heldur að einhver tegund viðskipta gangi ekki lengur, meðal annars vegna þess að búðir eru að leggja upp laupana opnar bara ný búð. Sá í gær gínurnar í sautján, já já það á bara að fara að opna sautján verslun hérna fyrir norðan, nokkrum dögum eftir að önnur búð er að hætta. Mér þykir þetta hugað fólk að fara út í svona fjárfestingu, en án svona ofurhuga væri nú líklega frekar leiðinlegt hér á Akureyrinni. Til dæmis er þetta Danmerkur flug ekki fyrir heigul að standa í.

Auður birti @ 23:14

Það ver gerð ægileg tiltekt hérna á efrihæðinni á Gránu, voðalega notalegt að taka til og gera kósý í kringum sig. Svo fann ég mér smá afdrep fyrir föndur og verkfærakassann minn og svona, þannig að það er aldrei að vita nema maður komi einhverju í verk í sumar. Annars langar mig svo að setja niður risfberjarunna í garðinum mínum, ætli maður þurfi að vera garðyrkjufræðingur til þess? Já og svo ætlaði ég líka að prófa ða sá einhverjum kryddjurtum og jafnvel sólblómi eða eitthvað, þarf að tékka hvort þessir fínu fingur mínir séu eitthvað grænir.

Auður birti @ 23:08

Jæja heill dagur án tiltakanlegra geðsveiflna, það er nú bara ágætis árangur þykir mér. Annars er ég gjörsamlega sjúk í útlönd þessa dagana, langar svo að vera úti og er að hugsa út. Ætla að taka púlsinn á vinnunni hvenær er besti sénsinn að fá góðan díl á flugi, þá skellir maður sér til MUC maður og helst Köben líka en MUC fyrst.

Auður birti @ 22:46

Vá lífið er búinn að vera heljarinnar rússíbani síðustu daga, vonandi fer þetta nú aðeins að hægjast um núna. Ég er orðin ansi ringluð, hvað þá Óskar greyið sem veit ekki hvaðan á sig stendur veðrið.
Annars er ég að hugsa um að uppljóstra um nýjasta planið mitt, ekki að það hafi verið neitt leyndarmál. Er bara alltaf að skipta um skoðun og nenni ekki að segja frá þeim öllum, en þar sem ég er nokkuð bjartsýn með að það nýjasta komi til með að virka læt ég vaða. Planið er sem sagt að fara á Hvanneyri í umhverfisskipulag, það er fornám að landslagsarkitektúr, það er alveg ljóst að HA hentar mér engan veginn, ég gjörsamlega hata þennan skóla. Ætla allavega að prófa hvort Hvanneyri sé eitthvað fyrir mig, kemur svo bara í ljós.

Auður birti @ 14:57

Æi það getur verið voðalega gott að vita að það er einhver þarna úti sem vill tala við mann, veit fátt betra en langar gáfulegar og skemmtilegar samræður. Fyrir utan náttúrulega samræði.

Auður birti @ 02:39

Auglýsi hér með eftir einhverjum sem nennir að tala við mig

Auður birti @ 16:49

Já há reynið bara að sigra þetta!!!!

Auður birti @ 09:42

Auður is a Man-Eating Pirate Monkey ...with a Battle Rating of 9.8 To see if your Food-Eating Battle Monkey can defeat Auður, enter your name:

Auður birti @ 09:41

ok

Auður birti @ 09:40

Það var nú gott að blogger virkaði ekki í gær, ég var í svo hrikalega vondu skapi að þær færslur hefðu orðið all svakalegar held ég. ég fékk allavega rosalega mörg merki um það hversu GLATAÐUR skóli HA er.
Kennarar brjóta loforð sín trekk í trekk og finnst ekki einu sinni neitt athugavert við það, einkunnagjöf fer ekki eftir vandvirkni eða vinnuframlagi við gerð þeirra, ef maður er venjulegur Jón er manni ekki heilsað á göngunum en ef maður er séra Jón er maður hylltur í bak og fyrir, fundarstjórar til þriggja ára eru ólæsir, óskrifandi og sjá enga ástæðu til að fylgjast með hvort einhver vilji kveða sér hljóð, stafsetningavillur eru nokkrar í lögum skólafélagsins, stafsetningarvillur eru meira að segja gerðar á nýju nafni félagsins, hin ýmsu störf við skólann eru ekki auglýst heldur útdeilt í gegnum mafíu hans, svona gæti ég haldið endalaust áfram.
En þar sem að nú er kominn nýr dagur er ég ekki nærri því eins pirruð og í gær og er bara alls ekkert að fara á límingunum yfir þessu.

Auður birti @ 09:03