Grána 27

Lokaverkefni lokið
nú er lokaverkefninu lokið og það er ótrúlegt að ég sé að halda áfram að skrifa. Mér finnst ég bara fáránlega tóm, eins og ég hafi ekkert að gera, ekki að ég hafi alltaf verið að vinna í þessu blessaða verkefni en það var einhvern veginn alltaf á bakvið hjá manni.
Annars eru svo miklar breytingar í gangi þessa dagana að ég er eiginlega bara rjúkandi rústir, er búin að ákveða að fara að vinna núna 16. maí og finnst það mjög erfið tilhugsun, svo er ekki búið að finna dagmömmu og það allt er í alltof lausu lofti. Annars er ég líka búin að vera á smá egótrippi við erum að tala um að ég gat totaly valið mér hvað ég vildi fara að vinna, var á tímabili með þrjá aðila sem allir vildu ólmir ráða mig. Smá valkvíði í gangi en hann snérist aðallega um að fara frá Minnu, mér finnst það alveg rosalega erfitt og er búin að vera með grátstafinn í kverkunum síðan ég ákvað þetta. En það líður vonandi hjá og ég held að ég sé að koma mér í góð mál vinnu og félagslega séð. Sjáum til allavega bókuð næstu 3 mánuði þannig að æstir vinnuveitendur verða að bíða þangað til með að gera mér tilboð.

Auður birti @ 23:38

Sko við förum nú flest í búðina einhvern tíman og oftast eru fleiri við kassann en maður sjálfur og allir þekkja stykkin til að setja á milli viðskiptavina á færibandinu að kassanum, merkt vísa oftast. En hver á að sjá um að setja þetta á milli? Er það sá sem er búinn að raða á bandið eða sá sem er að byrja að raða á bandið? Þessu velti ég OFT fyrir mér, sérstaklega þegar ég er að byrja að raða á bandið en næ ekki í þessi stykki (hvað ætli þau heiti? kalla þau bara millistykki) og sá sem stendur fyrir framan mig horfir náttúrulega bara í hina áttina eins og honum komi mín vandamál ekkert við. Enda kemur honum þau svo sem ekki við fyrr en hann þarf að borga fyrir mínar vörur :) En það fer líka í taugarnar á mér ef ég gleymi að setja millistykkið aftan við hjá mér og ég fæ ægilegan svip frá einhverri truntu (á við um konur og karla) fyrir aftan mig. Það er heldur ekki eins og manni sé þakkað ef maður setur þetta á eftir sínum vörum. Ég vil bara skýrar reglur um þetta, alveg eins og í Þýskalandi þar sem til dæmis rúllustigareglur eru alveg á hreinu links gehen og rechts stehen. Ef þú ætlar að labba upp rúllustigann gengurðu vinstra megin en ef þú ætlar að standa kyrr stendurðu hægra megin og þar er sko alveg á hreinu hver er í rétti og hver ekki og ef maður brýtur reglurnar fær maður að heyra það. En með millistykkin í búðinni geta allir orðið fúlir út af öllu því það eru engar skýrar reglur, alveg óþolandi.

Auður birti @ 11:40