Grána 27

Jæja nú held ég að pössunarmál sumarsins séu nokkuð að komast í fast form, er búin að ráða gamla frænku til að passa í haust og vetur (ekki Ingeborg samt) og er með stelpu í sigtinu til að passa í sumar. Hef heyrt góða hluti um hana og vona bara að það gangi upp, líður ekkert smá MIKLU betur með þetta allt saman núna, fer bara að hlakka til að fara að vinna bráðum. Vorum fyrir sunnan og það var mjög ljúft og gaman, litla skvísan mín var algjörlega í essinu sínu, ægilega ljúf og góð og lék við hvern sinn fingur. Fórum bara tvö í bláa lónið og borðuðum þar og kjöftuðum og bara höfðum það næs, svo hitti ég tvær vinkonur mínar sem var mjög gaman, hefði verið til í að hitta fleiri en svona er þetta alltaf maður ætlar sér meira en maður kemst yfir.
Aðalfúttið var að fara til Mörthu hómópata og svo fór ég líka í kvennakirkjuna sem mér fannst mjög gaman og gott að drífa mig. Vonandi fer exemið að batna hjá litlu skvísunni eftir þennan kúr sem hún er á, þó það hafi versnað í bili er það víst bara eðlilegt.
Jæja ætla aðeins að slaka á meðan lilla sefur, þarf líka að vigta mig finnst ég 5 kílóum léttari, má alveg við að missa þau (aftur, smá bakslag í gangi).

Auður birti @ 14:20